• २०७७ कार्तिक १२ गते बुधवार
  • Preeti To Unicode

रुकुमको मतपेटिका रोल्पा पुग्यो, रोल्पा गामको अलपत्र


लेकाली अनलाइन
मंसिर ११,  काठमाडौँ ।

प्रतिनिधि सभा र प्रदेश सभाको निर्वाचन आइतबार सम्पन्न भएपछि सरकारले धमाधम मतपेटिका सदरमुमकामा ल्याइरहेको छ ।

उच्च हिमाली र दुर्गम जिल्लाबाट हेलिकोप्टरको प्रयोग गरेर मतपेटिका ओसारिरहेका बेला रुकुमको मतपेटिका रोल्पा पुगेको छ ।

सोमबार दिउँसो रोल्पाको थबाङका दुइटा मतदान केन्द्रको मतपेटिका बोकेर सुनछहरी गाउँपालिकाको गाम मतदान केन्द्रका लागि उडेको हेलिकोप्टर रुकुमको हुकामैकोट पुग्यो ।

थबाङबाट गामको मतपेटिका लिन गएको हेलिकोप्टर पूर्वी रुकुमको हुकामैकोट पुगेर त्यहाँको मतपेटिका पनि लिबाङ लिएर गयो ।

पूर्वी रुकुमका प्रमुख जिल्ला अधिकारी भुपेन्द्र सापकोटाले हुकामैकोटको मतपेटिका लिबाङ पुगेको जानकारी दिँदै मौसमको खराबीका कारण यस्तो हुन गएको जानकारी दिएका छन् ।

उनले लिबाङ पुगेको मतपेटिका मंगलबार हेलिकोप्टरबाट पूर्वी रुकुम ल्याउन लागिएको पनि बताए । प्रजिअ सापकोटाका अनुसार रोल्पा पुगेको मत मंगलबार बिहान रुकुम ल्याएपछि त्यही हेलिकोप्टरले गामको मतपेटिका लिबाङ लानेछ ।

भित्री गाम र बाहिरी गामसहितका मतदान केन्द्रको मतपेटिका मंगलबार लिबाङ ल्याएपछि जिल्लाका सबै मतदान केन्द्रका मतपेटिका संकलन भइसक्ने छन् ।

जनता समाचार

प्रकाशित मिति : २०७४ मङ्सिर ११ गते सोमवार