• २०७७ कार्तिक ६ गते बिहिवार
  • Preeti To Unicode

प्रधानमन्त्री देउवा बसेको होटल बाहिर बम


लेकाली अनलाइन
मंसिर १८, धनगढी ।

प्रधानमन्त्री शेरबहादुर देउवा बास बसेको होटल बाहिर  बम भेटिएको छ ।

धनगढी उपमहानगरपालिका ५ तारानागरकाे  होटल डिभोटी अगाडि रहेको राष्ट्र बैंक अगाडीको पुल नजिकै प्रेसर कुकर बम फेला परेको हो ।  घर बनाउन बोरामा राखिएको बालुवामा प्रेसर कुकर बम फेला परेको थियो । सो बमलाई तेघरीस्थित सेनाको टोलीले निष्कृय पारेको छ ।

चुनावी प्रचारको क्रममा सुदूरपश्चिमको भ्रमणमा रहेका प्रधानमन्त्री अाइतबार राति उक्त होटलमा बास बसेका थिए ।  यसअघि हिजो विहान रक्षामन्त्री भीमसेना दास प्रधानको घरमा बम राखिएको थियो भने दिउँसो उपप्रधानमन्त्री गोपालमान श्रेष्ठको गाडीलाई लक्षित स्याङ्‍जामा अज्ञात समूहले बम विस्फोट गराएको थियो ।

प्रकाशित मिति : २०७४ मङ्सिर १८ गते सोमवार