• २०७७ असोज २ गते शुक्रवार
  • Preeti To Unicode

जिल्ला अस्पताल रोल्पामा आधुनिक भवन बन्ने, डिजाइन यस्तो छ ।


मनिषा राई, लेकाली अनलाइन
मंसिर १९, रोल्पा ।
जीर्ण भबनमा रहेर सेवा दिईरहेको जिल्ला अस्पताल रेउघा रोल्पामा ५० शैयाको लागि भबन निर्माण हुने भएको छ ।

भ्याट बाहेक २९ करोड ५१ लाख २२ हजार ४ सय ८२ रुपैया २२ पैसाको लगानिमा तयार हुने आधुनिक भबनको निर्माण कार्य सुरु गरिएको छ । ‘चारवटा अलग अलग बिल्डिङ तयार गरिने छ । अस्पताल भवन, क्यान्टिन ब्लक, स्टाफ क्वाटर र पोष्र्टमार्टम भबन बन्ने छ ।’ भबन निर्माण गरिरहेको सहरी बिकास तथा भबन डिभिजन कार्यालयका प्रमुख ईश्वरराज जोसिले बताए । ४ हजार ५ सय ८४ दशमलब ५४ बर्गमिटर क्षेत्रफलमा बन्दै गरेको भबनको जिम्मेवारी आशिस श्री जयन्ति ड्रागन जेभिले लिएको छ । जोसिले भने ‘साईट दिई सकेका छौ, काम सुरु भएको छ, प्राबिधिक पाटोमा कुनै कमजोरी हुदैन । बिगतका निर्माणहरुमा ढिलाई भए जस्तो अब नहोला । २०७७ असोज मसान्त सम्म भबन तयार भएर हस्तान्तरण हुनेछ ।’

हाल सम्म १५ शैयाको मात्र रहेको जिल्ला अस्पतालमा आधुनिक भबन निर्माण भए पछि सैया र सेवा थप हुनेछन । जसबाट हाल सम्म जिल्ला स्वास्थ्य कार्यालयको मातहतमा रहेने १५ शैयाको अस्पताल स्वतन्त्र समेत हुनेछ । १५ शैयाको रोल्पा अस्पतालमा हाल समय समयमा बिरामि राख्ने ठाउँ नहुदा स्थ्यकर्मीहरु हैरान हुने गरेका छन । ‘अब ५० सैयाको अस्पताल बने पछि बिरामि संगै हामिलाई पनि सेवा प्रबाहमा सहजता आउने छ ।’ जिल्ला अस्पताल रोल्पका सिनियर अहेव कुलबहादुर डागिले भने ।

प्रकाशित मिति : २०७४ मङ्सिर १९ गते मङ्गलवार