• २०७७ कार्तिक ४ गते मङ्गलवार
  • Preeti To Unicode

रोल्पामा गाउपालिकाको नाम परिवर्तनमा बिरोध


मनिषा राई
पुस ८ रोल्पा ।
पुर्वी रोल्पाको सुवार्नावती गाउपालिकाको नाम परिवर्तन गर्ने भन्ने प्रस्ताब कार्यपालिकाको बैठकमा आएपछि जनताले बिरोध जनाएका छन् ।

देश भर्खरै नंया संरचना र नंया ब्यबस्था अनुसरण गरी साहै्र कमजोर अर्थतन्त्र सहित देश र स्थानीय तह संचालन गर्दा नै अप्ठेरो परिरहेको बेलामा देशको अर्थतन्त्रलाई स्थानीय तहबाट नै भत्काउन खोजेको भन्दै जनताको भावना र इच्छा बिपरित भएको हुदा सुवर्नावतिवासिले त्यस प्रस्ताव प्रति असहमति जनाएका हुन् ।

गाउ कार्यपालिकाको हिजो वसेकोे बैठकमा सुवर्णावती गाउपालिकाको नाम परिवर्तन गरी नया नाम राख्ने प्रस्ताब गा.पा प्रमुख गुनेन्द्र घर्तीमगरले ल्याएपछि सुवर्णवती गाउपालिका वडा नम्बर ४ का वडाअध्यक्ष गन्ज बहादुर क्षेत्री, ३ का वडाअध्यक्ष जेद बहादुर बिस्ट, २ का वडाअध्यक्ष नेत्र बहादुर गिरि, १ का वडाअध्यक्ष केशवलाल कुवर लगायत कार्यपालिकाका सदस्यहरुले पूर्ण रुपले बिरोध गर्दै असहमति गरी बिज्ञप्ती निकालेका छन् ।

बिज्ञप्तीमा भनिएको छ ‘गाउपालिकाको नाम परिवर्तन गर्ने प्रस्तावको ब्यापक असहमति र बिरोधको बाबजुत नाम परिवर्तन गर्ने सम्बन्धित प्रस्ताब बहुमतले पारित हुदा उक्त निर्णय रोक्न नसकेकोमा गाउलापिका बासीहरु समक्ष क्षेमा प्राप्ति गर्न चाहन्छौ र बिरोध गरी बैठक बाहिर निस्किसकेको अबस्थामा गरिएको निर्णय अन्य माध्यम बाट थाहा पाउदा हामि उक्त निर्णयको कडा भन्दा कडा सब्दमा निन्दा र घोर भ्रत्सना गर्दै उक्त निर्णय यथाशिघ्र खारेज गर्न जोडदार माग गर्दछौ.।’ बिज्ञप्तीमा थपिएको छ ‘बिकासका काम लाइ लत्याउदै आफ्नो दम्भ र अधिनायकबाद लादन खोज्दै “सुवर्णावती “ शब्द उच्चारण गर्न अप्ठेरो भयो र यसको अर्थ नै छैन भन्दै देश बिदेशका विभिन्न सबैधानिक र अन्य निकायमा नामाकरण भैसकेको, सारा जनताको मुखमा झुण्डी सकेको यति सुन्दर र ऐतिहासिक नामलाइ परिवर्तन गरी कुनै व्यक्तिको नाम बाट बिस्थापित गरी नया नाम राख्ने भन्ने कुरा जनतालाई अमान्य भएकोले यो प्रस्ताब माथि ठुलो आपत्ति सहित असहमति जनाउदछौ ।’

त्यहाका कतिपय स्थानियहरुले पनि उक्त निर्णयलाई अस्वीकार गर्दै निर्बा्चित भएर देश र जनताको हितमा काम गर्छु भनेर सपथ लिने अनि अहिले त्यसको ठिक बिपरित काम गरेको बताएका छन् । यता गाउपालिका अध्यक्ष गुनेन्द्र घर्तीमगरले भने सुवर्णवति गाउपालिका पौराणिक, साहित्यिक नाम भएको कारण अर्थ बुझ्न नसेको र भावि सन्ततिका लागि पनि अर्थ भएको प्रमाणित नाम र शहिद शुनिलको नामबाट ‘शुनिल स्मृति’ नामाकरण गर्ने छलफल भएको बताए । उनले पहिलो सभामा गाउपालिकाको नाम पछि परिवर्तन गर्न मिल्ने गरी सहमति भएकोले अहिले आएर चर्चित नाम दिएर भावि सन्ततिलाई बिना अर्थको नाम बाट मुक्त गराउने कोशिष गरेको बताए । साथै उनले कतिपय स्थानियले सहमति जनाएको र कतिपयले असहमति जनाएकोले यहि पौष १२ गतेको छलफलबाट टुङगो लाग्ने समेत जानकारी दिए ।

जिल्ला स्थित सर्बदलीय र सर्बपक्षीय बाट जिल्ला ब्यापी नै गहन छलफल गरी सबैको सहमति र हस्ताक्ष्यर गरी कुनै बिबाद नभई नामाकरण गरिएको पुरानो गाउपालिकाको नामलाई कुनै पनि हालतमा परिवर्तन हुन नदिने स्थानियहरुको भनाई छ

प्रकाशित मिति : २०७४ पुष ८ गते शनिवार