• २०७७ मङ्सिर १० गते बुधवार
  • Preeti To Unicode

चुनाव गराएकोमा धन्यवाद दिनुको साटो शंका उपशंका दिए ! अब सत्तामा टाँसिरहने रहर छैनः प्रधानमन्त्री देउवा


पुस १५, काठमाडौं ।

प्रधानमन्त्री शेरबहादुर देउवाले अाफु सत्तामा टाँसिरहने रहने रहर नभएको बताएका छन्

तमु ल्होसारको अवसरमा शनिबार राजधानीकाे  टुँडिखेलमा आयोजित कार्यक्रममा प्रधानमन्त्री देउवाले चुनाव गराएकोमा धन्यवाद दिनुको साटो आफूमाथि विभिन्न शक्तीले शंका उपशंका गरेकाे भन्दै असन्तुष्टि जनाएका छन् । उनले भने, ‘चुनावको नजिता सहर्ष स्वीकार गरेर सरकार निर्माणमा पुरा सहयोग गर्न तयार रहेको व्यक्तिलाई झुटा कुरा गर्नु शोभनीय हुँदैन ।’

चुनाव गराएर संविधान कार्यान्वयन गर्न सफल भएको गौरव लागेको उनले बताए । ‘धन्यवाद दिनुको सट्टा शंका उपशंका गर्नुको काम छैन’ एमालेको अरोपतर्फ संकेत गर्दै कांग्रेस सभापति समेत रहेका देउवाले भने, ‘मलाई सत्तामा टाँसिने रहर छैन । म कांग्रेस हुँ, प्रजातन्त्रवादी हुँ र जनताको निर्णयलाई शिरोधार्य गर्छु ।’

राष्ट्रपतिले राष्ट्रियसभा सदस्यको निर्वाचनसम्बन्धी अध्यादेशमा स्वीकृत गरेर नेपालको राजनीतिमा महत्व योगदान पुगेको प्रधानमन्त्री देउवाले बताएका छन् ।

देउवाले मौलिक पहिचानको रुपमा रहेका विभिन्न जाति समुदायको पर्वलाई उत्सवका साथ मनाउन सहयोग गर्नु राज्यको दायित्व रहेको बताएका छन् ।

प्रकाशित मिति : २०७४ पुष १५ गते शनिवार