• २०७७ कार्तिक ६ गते बिहिवार
  • Preeti To Unicode

दुईदिने अर्धबार्षिक समिक्षा गोष्ठि राेल्पाकाे सुनछहरीमा


मनिषा राई
पुस २० रोल्पा।

महिला स्वास्थ स्वयम सेविकाहरुको आर्थिक वर्ष २०७४÷७५ को दुइदिने अर्धबार्षिक समिक्षा गोष्ठि राेल्पाकाे सुनछहरी गाउपालिका ६ फगाम स्वास्थ्य चौकिमा आजबाट सुरु भएको छ ।

वडाका ९ वटै महिला स्वास्थ स्वयम सेविकाहरुको उपस्थितिमा सुरु भएको गोष्ठिमा जिल्ला स्वास्थ कार्यलय रोल्पाका जनस्वास्थ निरिक्षक ईश्वरी प्रसाद गौतमको प्रमुख आतिथ्यता एवम गाउपालिका सोभाकर ओग्र्यान थारु, प्राथमिक स्वास्थ्य केन्द्र सुलीचौरका योगेन्द्र पोख्रेलको उपस्थिति रहेको थियो ।

दुइदिन सम्म सन्चालन हुने उक्त गोष्ठिमा महिला स्वास्थ स्वयम सेविकाको भुमिका, काम कर्तव्य र अधिकार, वडा रजिष्टर अधावधि, गर्भवति जाच, सस्थागत सुत्केरी, पोषण, खोप, महिला स्वास्थ स्वयम सेविका कोष सन्चालन पद्धति र ६ महिना भित्र गरेका गतिबिधिहरुको समिक्षा एवम अवको ६ महिना भित्र गर्नुपर्ने गतिबिधिरुको बारेमा सहजिकरण गरीने स्वास्थ चौकि इन्चार्ज रामानन्द चौधरीले बताए । दुई दिन सम्म सन्चालन हुने उक्त गोष्ठिको सहजिकरण सोभाकर ओग्र्यान थारु, रामानन्द चौधरी र हेमराज महराले गरीरहेका छन् ।

यसैबिच, जिल्ला स्वास्थ कार्यलय रोल्पाको बार्षिक कार्यक्रम अनुसार नवजात शिशु तथा ५ बर्षमुनिका बच्चाहरुको मृत्युदर घटाउने उदेश्यका साथ समुदायमा आधारित नवजात शिशु तथा बालरोगको एकिकृत व्यवस्थापन कार्यक्रम अन्र्तगत आज सुनछहरी गाउपालिका ६ फगाम स्वास्थ चौकिमा कार्यरत अनमि र अहेव हरुलाई अन्साइट कोचिङ कार्यक्रम सम्पन्न भएको छ ।

उक्त कोचिङमा जन्मदा निस्सासिएको बच्चालाई कसरी व्यवस्थापन गर्ने, नाभिमलम कसरी लगाउने, मायाको अंगालोमा कसरी राख्ने र आएमएनसिआई कार्यक्रमको उदेश्य अनुसार दुई महिना देखी ५ बर्ष सम्मको बच्चाहरुको समस्याको एकिकृत व्यवस्थापन कसरी गर्ने, सेवा रजिष्टारहरु अधावधि गरी प्रतिबेदन कसरी पठाउने भन्ने बारेमा सहजीकरण गरीएको थियो ।

उक्त कार्यक्रमको सहजीकरण जिल्ला स्वास्थ कार्यलय रोल्पामा कार्यरत जनस्वास्थ निरिक्षक ईश्वरी प्रसाद गौतम र प्राथमिक स्वास्थ केन्द्र सुलीचोरका योगेन्द्र पोख्रेलले गरेकाे त्यहाबाट आभाष क्षेत्रीले जानकारी दिएका छन् ।

प्रकाशित मिति : २०७४ पुष २० गते बिहिवार