लेकाली अनलाइन
माघ ७, दाङ ।
५ नं. प्रदेशको राजधानी दाङलाई बनाउनुपर्ने मागसहित चर्किएको दाङबासीको आन्दोलन एकाएक मत्थर बनाएर दाङका सांसदहरु बुटवल गएर शपथ ग्रहन गरेका छन् ।
नेपाली कांग्रेस, नेकपा (एमाले) र नेकपा (माओवादी केन्द्र)को अगुवाइमा सुरु भएको आन्दोलन शनिबार मध्यरातिदेखि मत्थर बनाएर दाङका सांसदहरु अाज प्रदेश नम्बर ५ काे अस्थार्इ राजधानी बुटवलबाट शपथ लिएका छन् ।
अझ ५ नं. प्रदेशको भावी मुख्य मन्त्रीका रुपमा हेरिएका एमालेका नेता शंकर पोखरेलले हसिलो मुद्रामा पद तथा गोपनीयताको सपथ लिएका छन् । सपथ लिएपछि एमालेका उपमहासचिव विष्णु पौडेलसँग तस्बिर पनि खिचाएका छन् ।
दाङलाई राजधानी हुनबाट रोक्नेमध्येका एकपात्रका रुपमा विष्णु पौडेललाई पनि दङ्गालीहरूले लिने गरेका छन् । पोखरेललाई मुख्यमन्त्री पदसँग प्रादेशिक राजधानी साटेको आरोप समेत लाग्ने गरेको छ ।
सुरुमा प्रदेश नं. ५ का प्रदेश प्रमुख उमाकान्त झाले प्रदेशसभाका जेष्ठ सदस्य बलदेव शर्मा पोखरेललार्इ सपथ गराएका हुन् । त्यसपछि बाँकी प्रदेशसभा सदस्यहरूलार्इ भने जेष्ठ सदस्य बलदेवले सपथ गराएका हुन् ।
प्रत्यक्षतर्फ ५२ र समानुपातिक तर्फका ३५ गरी ८७ प्रदेशसभा सदस्य रहेकाे प्रदेश नं. ५ काे सपथ ग्रहण बुटवल उद्योग बाणिज्य संघको हलमा भएकाे हाे ।
