• २०७७ माघ ६ गते मङ्गलवार
  • Preeti To Unicode

किसानहरुलार्इ ६१ प्रतिशत रोग पशुवाट सर्ने तथ्यांक सार्वजनिक


माघ २५, चितवन ।
नेपालमा किसानहरुमा लाग्ने ६१ प्रतिशत रोगहरु पशुवाट सर्ने गरेको तथ्यांक सार्वजनिक भएको छ । पशु चिकित्सक तथा वातावरण विज्ञ र कृर्षी विज्ञहरुको संस्था वान हेल्थ नेपालले सार्वजनिक गरेको तथ्यांकमा यस्तो दावी गरिएकमो हो ।

नेपालमा पशुबाट मानिसमा सर्ने रोगहरुको अवस्था निकै नै भयानक रहेको वान हेल्थ नेपालका अध्यक्ष प्रदिप गिरीले बताए । चितवनमा रहेको कृषि ता वन विश्वविद्यालय रामपुरमा आयोजित कार्यक्रममा गर्भपतन, क्षयरोग, श्वासप्रश्वास, पिसाव सम्वन्धि, रेविज, पाचनप्रणाली आदि सँग सम्वन्धित रोगहरु पशुकै कारणले किसाहरुमा बढि देखिने गरेको त्रिभुवन विश्वविद्यालय पशु चिकित्साशास्त्रका निर्देशक डाक्टर डिके सिंहले बताए ।

उनले नेपालका अधिकांश किसानहरु यस्ता समस्याबाट प्रत्यक्ष प्रभावित भएको बताए । यस समस्याका कारण किसानको स्वास्थ्यमा मात्र नभएर उत्पादनमा समेत प्रभाव पारेको विज्ञहरुकमो दावी छ । कृषि तथा वन विश्वविद्यालय रामपुरका उपकुलपति आइपि ढकालले सरोकारवालाहरुलाई यसबारेमा थप अध्ययन गरेर समाधानका लागी लाग्न आग्रह गरे ।

वान हेल्थ नेपालले खाद्य सुरक्षा, पशुरोग, वातावरण, विज्ञान तथा मानव स्वास्थ्य सँग सम्वन्धित विभिन्न विषयमा काम गरिरहेका छ । सो अवसरमा एक विश्व, एक स्वास्थ्य र एक समाधान भन्ने नाराका साथ वान हेल्थ नेपालको चौथो साधारण सभा समेत सम्पन्न भएको छ ।

प्रकाशित मिति : २०७४ माघ २५ गते बिहिवार