फागुन १८, सुर्खेत ।
सुर्खेतमा पौडी खेल्ने क्रममा नदीमा डुवेर एक जनाकाे मृत्यु भएको छ ।
जिल्लाकाे भेरीगंगा नगरपालिका ५ बबई नदीमा नुहाउन र कपडा धुन गएका लमजुङ् जिल्लाको म्याग्दी गाउँपालिका ३ घर भएका ३५ वर्षका मुक्तिप्रसाद जैशीको (सवारी चालक) पौडी खेल्ने क्रममा नदीमा डुवेर मृत्यु भएको प्रहरीले जनाएकाे छ । निर्माणाधीन भेरी बबई डाइभर्सन बहुउद्देश्यीय आयोजना निर्माण स्थलमा उनकाे मृत्यु भएकाे हाे ।
भेरीगंगा नगरपालिका ५ बबई नदीमा नुहाउन, कपडा धुन गएका उनी डुबेर मृत्यु भएको घटना स्थलमा प्रहरी पुगेर लासलाई पोष्टमार्टमको लागि भेरी अञ्चल अस्पताल नेपालगञ्जमा पठाईएको जनाईएको छ ।
घटनाको बारेमा थप अनुसन्धान भैरहेको जिल्ला प्रहरी कार्यालय सुर्खेतले जनाएको छ ।
