• २०७७ मङ्सिर ९ गते मङ्गलवार
  • Preeti To Unicode

राेल्पा नगरपालीका भित्रैका विद्यार्थीहरु विद्यालय जान-अाउन चार घण्टा लाग्छ


फागुन २०, रोल्पा ।

राेल्पाकाे एक नगरपालीका भित्रैकाे विद्यालयमा विद्यार्थीहरु विद्यालय जान-अाउन ४ घण्टाकाे पैदल यात्रा हिड्न बाध्य छन् ।

जिल्लाकाे रोल्पा नगरपालिका– ९ ह्वामाका विद्यार्थीहरु अध्ययनका लागि नजिक विद्यालय नहुँदा  दैनिक चार घण्टा पैदल हिँडेर विद्यालय जान बाध्य भएका हुन् ।

रोल्पा नगरपालिका– ९ ह्वामाको बागेश्वरी माध्यमिक विद्यालयमा अध्ययन गर्ने विद्यार्थी विद्यालय आउँदा र घर फर्कंदा दैनिक चार घण्टा पैदलयात्रामै बिताउनु पर्दा उनीहरुले पढाइमा सास्ती व्यहोर्नु परेको छ ।

रोल्पा नगरपालिका– ९ को फाल्जा, गैराखुटी लगायतका गाउँबाट दैनिक चार घण्टा बढी पैदल हिँड्नुपर्ने बाध्यता रहेको विद्यार्थीले गुनासो गरेका छन् । कुवापातल, कर्तम, वेसारवाङ, चोयवाङलगायतका गाउँ पनि विद्यालय भन्दा निकै टाढाको दुरीमा पर्ने विद्यार्थी बताउँछन् ।

लामो पैदलयात्रा हिँडेर माविस्तरको पढाइ पूरा गर्ने वा निमाविस्तरको पढाइ पूरा गरेर पढाइ छोड्ने यी दुई विकल्पमध्ये एक रोज्नुपर्ने बाध्यतामा छन्, यहाँका विद्यार्थी ।

उनीहरुका लागि छिमेकी वडामा रहेका अन्य विद्यालय पनि निकै टाढा रहेका छन् । छिमेकी विद्यालयको रुपमा रहेका धवाङको गापा, मिरुलको टुटु, कुरेलीको खरिबोट, जंकोटको माडीचौर र सदरमुकाम लिवाङमा विद्यालय रहे पनि ती विद्यालय पनि निकै टाढा पर्दछन् ।

घर र विद्यालयको दुरी टाढा हुँदा पढाइमा निकै असर गरेको स्थानीय बाल क्लबका सचिव नवीन विकले दुखेसो पोखे । हिँड्नमै धेरै समय बिताउनुपर्दा ‘अध्ययनका लागि समय पाइदैन अनि कसरी पढाइमा सुधार हुन्छ, विकले प्रश्न गरे।

गाउँकै विद्यालयमा पढ्न विद्यार्थिलाई सहज होस् भनेर निजी स्रोतमा मावि सञ्चालन गरेको भए पनि भौगोलिक कठिनाइका कारण विद्यार्थी घण्टौं पैदल हिँड्न बाध्य रहेको विद्यालय व्यवस्थापन समितिका अध्यक्ष दुर्गा खत्रीले बताए ।

प्रकाशित मिति : २०७४ फाल्गुन २० गते आइतवार