फागुन २५, दोलखा ।
१०८ औं अन्तर्राष्ट्रिय श्रमिक महिला दिवसकाे दिन दाेलखामा गाउँपालिका अध्यक्षले उपाध्यक्षलार्इ हातपात गरेका छन् ।
गाउँपालीकाकाे केन्द्र विवादमा जिल्लाकाे कालिञ्चोक गाउँपालिकाका उपाध्यक्ष कालिका पाठकलाई अध्यक्ष विनकुमार थामीले हातपात गरेका हुन् । गाउँसभाको तयारीका लागि अस्थायी केन्द्र सुनखानीमा बिहीबार बसेको बैठकमा यस्ताे अवस्था सिर्जना भएकाे हाे ।
आफ्नो नेतृत्वको समूहले निर्णय पुस्तिका लिएपछि अध्यक्ष थामी नेतृत्वको समूहले आफूहरुमाथि हातपात गरिएको उपाध्यक्ष पाठकले बताएकी छन् ।
कालिञ्चोक गाउँपालिकाको स्थायी केन्द्र सुनखानीमै राख्ने वा लापिलाङमा सार्ने भन्ने विषयमा जनप्रतिनिधिबीच विवाद हुँदा अध्यक्ष र उपाध्यक्षबीच हात हालाहालको स्थिति सिर्जना भएको हो ।
