असार ६, सल्यान ।
छोरी बलात्कार गरेको अभियोगमा सल्यानमा एक जनालाई प्रहरीले पक्राउ गरेको छ ।
जिल्लाको कालीमाटी गाउँपालिका वडा नम्बर ५ निवासी ३३ वर्षीय एक पुरुषले अाफ्नै ११ वर्षीया छोरीलाई बलात्कार गरेको अभियोगमा प्रहरीले पक्राउ गरेको हो । जेठ २० गते राती आफ्नै घरमा बलात्कार गरेको भन्दै बालिकाको मामाले असार ३ गते जिल्ला प्रहरी कार्यालय सल्यानमा मुद्दा दायर गरेका थिए ।
आरोपितलाई हिरासतमा राखी घटना बारे थप अनुसन्धान भई रहेको जिल्ला प्रहरी कार्यालय सल्यानले जनाएको छ ।
