• २०७८ कार्तिक १ गते सोमवार
  • Preeti To Unicode

नेपालमा दैनिक पाँचवटा सम्म शव विदेशबाट आउँछन्


असाेज १३, काठमाण्डाैँ ।

त्रिभुवन अन्तर्राष्ट्रिय विमानस्थलमा बिहीबार एकैदिन पाँचवटा शव आइपुगे। चारवटा मलेसियाबाट आएका थिए भने एउटाचाहिँ कतारबाट।

आजको कान्तिपुर दैनिकमा खबर छ- वैदेशिक रोजगारीमा गएका तर कफिनमा फर्किएका यी पाँचमध्ये एक थिए, आइतसिंह गोले। मलेसियामा विषाक्त रक्सी सेवनले असोज ९ मा मृत्यु भएका ६ मध्ये आइतसिंह एक थिए।

आठ वर्षअघि मलेसिया गएका पति नफर्किएपछि पत्नी डोल्मामाया आफैँ चार वर्षअघि त्यहाँ गएकी थिइन्। सर्लाही हिरापुर–९ का आइसिंह अवैध कामदारका रूपमा बसेका थिए।

डोल्मा वैध रूपमा बसेकी थिइन्। केहीअघि नेपाल फर्किएकी उनी पुनः एक महिनाअघि मलेसिया पुगेकी थिइन्। गोले दम्पतीका १७ र १५ वर्षका छोरी र १० वर्षका छोरा छन् छन्। शव सर्लाही लगेर अन्त्येष्टि गरेपछि डोल्मा फेरि मलेसिया जाने योजानामा छिन्।

‘कम्पनीले २५ दिनको विदा दिएको छ’, उनले भनिन्, ‘श्रीमानको काम सकेपछि फर्किन्छु। बच्चाहरूको जिम्मेवारी मेरो काँधमा छ।

नाम्काकोट–५ नवलपरासीका ३० वर्षीय दुर्गासि‌ंह रानाको शव पनि बिहीबार आइतसिंहको शव आएको थाइ एअरवेजको त्यही उडानबाट आइपुगेको थियो।

प्रकाशित मिति : २०७५ असोज १३ गते शनिवार