• २०७९ असोज १३ गते बिहिवार
  • Preeti To Unicode

वडाध्यक्षले गरे १६ वर्षीय बालिकासँग बाल विवाह


चैत ९, इटहरी ।

खोटाङमा वडाध्यक्ष रमेशकुमार राउतले बालविवाह गरेका छन्। हलेसी तुवाचुङ नगरपालिका वडा नम्बर ६ का वडाध्यक्ष राउतले बालविवाह गरेका हुन्।

इटहरीस्थित अख्तियार दुरुपयोग अनुसन्धान आयोगको कार्यलयमा उनले बालविवाह गरेको उजुरी परेको छ । वडामा भएका विभिन्न भ्रष्टाचारका विषयमा परेको उजुरीमा बालविवाहको कुरा पनि समेटिएको छ ।

२०५८ साल चैत २७ गते जन्मिएकी खोटाङकी एक किशोरीसँग ३५ वर्ष माथिका वडाध्यक्ष राउतले बालविवाह गरेको हुन । स्थानीय पन्जिकारिको कार्यालयमा २०५९ चैत १ गते गरिएको जन्मदर्ता तथा बालिकाको विद्यालयको प्रवेश परीक्षापत्रमा समेत २०५८ चैत २७ गतेकै जन्म मिति देखिएको छ ।

मुलुकी देवानी संहिता २०७४ अनुसार गैरकानुनी हुनेगरि २० वर्ष भन्दा कम उमेरकी बालिकालाई राउतले मागी विवाह गरेका हुन । उनले २०७५ श्रावणमा विवाह गरेका थिए । विवाहको महिना बालिकाको उमेर १७ वर्ष पनि पुगेको देखिँदैन ।

१६ वर्ष ४ महिना हाराहारी मात्रै भएको अवस्थामा बालिकालाई वडाध्यक्ष राउतले विवाह गरेका हुन्। नगरपालिकाको कानुनी मस्यौदा संयोजकसमेत रहेका वडाध्यक्ष राउतले आफै कानुनको खिल्ली उडाउँदै बाल विवाह गरेका हुन ।

हलेसी तुवाचुङ नगरपालिकाका मेयर इवन राईले भने आफूलाई राउतले बाल विवाह गरेको बारेमा कुनै जानकारी नआएको बताएका छन् । ‘मलाई बाल विवाह भएको बारेमा कुनै लिखित मौखिक जानकारी आएको छैन’, मेयर राईले भने, ‘बाल विवाह नै भएको हो भने स्थानीय सरकारले गर्न सक्ने कारबाही गर्नेछौँ ।’

प्रकाशित मिति : २०७५ चैत्र ९ गते शनिवार