• २०७७ फाल्गुन २१ गते शुक्रवार
  • Preeti To Unicode

सार्वजनिक सेवा प्रवाहका लागि फोटोपत्रकारिता जरुरी


चैत्र १३, नेपालगन्ज ।

सार्वजनिक निकायले प्रवाह गर्ने सेवा सुविधाको प्रभावकारीताका लागि फोटोपत्रकारिता महत्वपूर्ण रहेकोमा एक कार्यक्रममा जोड दिइएको छ ।

बुधबारबाट नेपालगन्जमा सुरु भएको फोटोपत्रकारिता तालिमको उद्घाटन सत्रमा फोटोपत्रकारिताले समाजको वास्तविक चित्रण गर्न सक्नेमा समेत जोड दिइएको थियो । पारस्परिक जवाफादेहिता परियोजनाअन्र्तगत नेपालनका ३४ जिल्लाका सामुदायिक सन्चारकर्मीहरुका लागि तालिमको आयोजना गरिएको हो ।

फोटो पत्रकारिता पुर्नताजगी तालिमको उद्घाटन गर्दे नेपालगन्ज उपमहानगरपालिकाका उपमेयर उमा थापामगरले समाजमा सीमान्तकृत समुदायको सवालहरुलाई देखाउनको लागि फोटोपत्रकारिता महत्पूर्ण रहेको बताइन् । उनले भनिन्- “फोटोपत्रकारले समाजमा महिला, दलित, जनजाति, अपांग, युवा, बालबालिकाहरुको सवालहरुलाई सन्चारमा ल्याएर वकालत गर्न सक्छन ।”

फोटोपत्रकारिताका माध्यमबाट स्थानीय निकायले प्रवाह गर्ने सेवा सुविधाहरु र यसको प्रभावकारीताको बारेमा पनि निगरानी गर्न जरुरी भएकाे उनकाे भनाइ छ ।

नेपाल पत्रकार महासंघ बाँकेकी उपाध्यक्ष रुपा गहराजले सामुदायिक सन्चारकर्मीहरुमा महिलाहरुको सहभागीता बढि देखिएकोमा खुसी व्यक्त गरिन् । उनले भनिन्- “समाजमा महिलाहरुको सवाल बाहिर नआइरहेको बेलामा अधिकांश संख्यामा रहेका महिला पत्रकारहरुले महिलासँगका सवालहरुलाई उठाउन महत्वपूर्ण भूमिका खेल्न सक्छन् ।”

परियोजना अन्र्तगत एफ एच आई ३६० की क्षमता विकास व्यवस्थापक रत्नबाबा तन्डुकारले फोटोपत्रकारिताको शीपलाई राज्यले प्रदान गर्ने शिक्षा, स्वास्थ्य, कृषि, विपद्का विषयमा गरेका कामकारवाहीको निगरानीमा लगाउनुपर्नेमा उनकाे जाेड छ ।

उपमेयर थापामगरले सहभागीहरुको फोटो खिचेर सुरु गरेकाे तीन दिने तालिममा इक्वेल इक्सेसका कार्यक्रम अधिकृत लक्ष्मी श्रेष्ठ, मिडिया आउटरिच म्यानेजर बिशाल रानामगर लगायतले बोलेका थिए । आउटरिच एशोशियट भिमबहादुर सार्कीले कार्यक्रमकाे सन्चालन गरेका थिए ।

प्रकाशित मिति : २०७५ चैत्र १३ गते बुधवार