• २०७७ फाल्गुन २४ गते सोमवार
  • Preeti To Unicode

कुपिण्डेमा जनप्रतिनिधि जाँदा उब्जिएको विवाद : अफवाह र वास्तविकता भित्र लुकेको राजनीति


  • दीपेन्द्र कुमार क्षेत्री

केही समय अगाडि समसामयिक परिस्थिति र नेतृत्वको प्रश्न बारे कहि संक्षिप्त बिचार राखे, त्यसलाइ केहि पत्रकार साथिहरुले सार्बजनिक रुप दियर मिडियामा ल्याइदिनु भयो त्यसका केही सकारात्मक केही आलोचनात्म बहस भए । एकजना बिद्दवान पत्रकार महासयले राम्रै खण्डन गर्नुभयो ।

उहाँको विद्दता लाइ सलाम ! यद्यपि त्यसमा कुनै पुर्वाग्रह थिएन । खालि राजनीतिक नेतृत्व, मुलधारको नेतृत्वलाई स्थापित गर्ने र पार्टी एक ढिक्का बनाएर जान सहयोग पुगोस नेताहरु रणनीतिक रुपले सफल बनुन यो भन्दा अर्को बिषष थिएन ।

तर मलाइ लागेको के हो भने पत्रकार एउटा सन्तुलित व्यक्ति हो । सन्तुलित बिचार बिमर्श गर्न सक्छ तर कुनै राजनीतिक व्यक्तिको बचाउ गर्न सतिजान सक्दैन भन्ने लागेको थियो । त्यसो नभई कुनै नेताको लागि पत्रकारिता गरिँदो रहेछ, जुन बिषयले आश्चार्य बनायो ।

तिनै आफुलाइ अत्यन्तै विद्दता ठान्ने पत्रकार महासयले पुनह उत्त कुरा सेलाउन नपाउदै अर्को आपत्तिजनक स्टाटस आफ्नो निजि फेसवुकबाट जनप्रतिनिधिहरुको कुपिण्डे भेलालाइ कपोकल्पित र अतिरन्जित बनाएर बडो कलात्मक ढंगले भ्रम छर्नु भएछ । कताबाट परिचालित हुनुभयो, गरियो सायद आदेशको पालना गरेको हुनुपर्छ तर यस्तो अभिव्यक्तिले गम्भीर संका उब्जाएको छ ।

समसामयिक बिषयमा स्वस्थ र रचनात्मक कलम चलाउनु, रचनात्मक सुजाब दिनु पत्रकारको धर्म हो तर अतिरन्जित बनाउदै कपोकल्पित, धम्किपुर्ण शब्दको खेति गरेर, भ्रमपूर्ण बनावटीले कसलाई फाइदा पुग्छ पुग्दैन समयले त्यसको पनि हिसाब पक्कै गर्ला ।

जनप्रतिनिधिहरुको आयोजनामा भएको कुपिण्डे भेलामा स्थानिय सरोकारवाला निकाय र मिडिया जिल्ला मा क्रियाशिल पत्रकार सहित पर्यटन बिषयमा गहन अन्तरक्रिया भएको थियो । यस वाहेक अन्य स्वार्थ भए जनप्रतिनिधिहरु जबाफ देहि होलान तर पुर्बाह्ग्रही ढंगले मिथ्या आरोपले कसैको भलो हुँदैन ।

तपाईको अराजक र धम्कीपूर्ण भाषालाइ हेर्दा पार्टी, जनप्रतिनिधि र समग्र नेतृत्व, प्रचण्ड र ओलि भन्दा पनि माथि उठेर चुनोैति दिन खोजिएको बुझिन्छ । यसका साथै केहि प्रस्नहरु पनि उब्जिएका छन् ।

स्थानिय सरकारहरुले पर्यटन क्षेत्रको बिकाश बारे अन्तरक्रिया गर्नुलाई गुट देख्ने तपाईको दृष्टिकोणमा खोट नहोला त ? जिल्लामा क्रियाशिल पत्रकारहरु सरोकारवाला निकायहरुको उपस्थिति नदेख्नु तपाइको पुर्बाह्ग्रही सोच होइन ? कारणबस तपाईका मालिकहरु अनुपस्थित भए भन्दैमा कार्यक्रमहरु सबै गुटका कार्यक्रम हुन्छन ? गुटको औपचारिक घोषणा तपाईहरुका मालिकहरु श्रृङखलाबद्द गर्दैछन, तपाईंलाई गुटक‍ो राजनीति गर्ने खुब रहर लागेकै हो त ?

आज पार्टीका भेला प्रशिक्षणहरु ३ वटा स्थानिय तहमा सिमित भएर अलपत्र छन् । हजारौं नेता कार्यकर्ताको ब्यबस्थापन र रक्षाको चुनोैति छ । जनताले दिएको अभिमतलाई विकाश निर्माण र जिवनस्तरमा बदल्न बाँकी नै छ । नेतृत्वको बिषय टुंगो लगाउनु छ । जनबर्गिय संगठनहरुको एकता प्रक्रियालाइ टुंगो लगाउनु छ । विकेन्द्रित बिचारहरु केन्द्रित गर्नु छ । तर आज यी सबै प्रधान बिषयहरु त्यागेर, झिना मसिना बिषय उचालेर तिललाई पहाड बनाउदै, तपाई कै भाषामा ‘ठाउँ न ठहर नेप्टिको रहर’ आफै पूरा गर्दै हुनुहुन्छ ।

समस्या आजको होइन, हिजै देखिका छन् । यस्ता बिषयमा मैले प्रतिवाद गर्नु उचित होइन । बरु पार्टी भित्रका असन्तुष्टिहरु छलफल र बहसद्वारा समाधान गर्नु पर्छ, गाउँ नगरमा रोकिएका प्रशिक्षण भेला अगाडि बढाएर आपसमा प्रशिक्षित हुँदै सल्यान जिल्लाको पार्टी एकता प्रक्रियालाई सार्थक बनाउने हामी सबैको ध्यान हुन जरुरि छ ।

तर समास्याको समाधान खोज्न छलफलका लागि नैतिक साहस नजुटाएर, बोतलको आडमा सबै चिज ओकलेर समस्या समाधान कस्तो निस्कियला?

हुनत उहाँ बौद्धिक सर्कल अन्तर्गत पर्ने पत्रकार बन्दु हुनुहुन्छ । म आन्दोलनबाट लडेर आएको व्यक्ति हुँ र मैले नेतृत्वको रक्षा गर्नु कर्तब्य हो । तसर्थ मैले बोल्ने राजनीतिक भाषा ब्यबहारिक र पाच्य हुनुपर्छ । यसलाई आत्मसाथ गर्नु मेरो नैतिक जिम्मेवारी हो ।

तर कुनै पनि अतिवाद, सांगठनिक, अराजकता, बिधि पद्धतिको उल्लंघन र षड्यन्त्रहरु कम्युनिस्ट पार्टीका लागि सहज हुदैनन । सल्यानको हकमा गत निर्वाचन देखि केही गलत प्रवृति हावी हुन खोजिरहेको छ ।

तसर्थ मुलधारको नेतृत्वमा केन्द्रित भई बहस गर्न बिशेष आग्रह छ र पार्टी नेतृत्वको हित पनि यसैमा छ ।

नत्र अहिलेको प्रदेश नेतृत्वको दुरुपयोग गर्दै सांगठनिक अराजकता मच्चाउदै बिभिन्न षड्यन्त्रहरुले मुल नेतृत्वलाई नै कमजोर पार्ने कुरा कसैलाई सहिय हुनेछैन । यसप्रकारका अराजकताका बिरुद्द निर्मम भएर प्रतिवाद हुनेछ ।

स्मरणहोस्, नियोजित योजना बनाउने पत्रकार महासयको गतिविधि बिचार, अभिब्यक्ति आपत्तिजनक छन । यस्तो खण्डित बिचार र अभिव्यक्तिले पार्टीलाइ फाइदा होइन घाटा हुन्छ । यस्तो अमैत्रिपुर्ण र अस्वच्छ प्रतिस्पर्धाले प्रतिपक्षहरुलाई नै फाइदा पुग्ने छ । बेलैमा सबै सचेत हौ ।

लेखक लेकख वाइसियल नेपालका सल्यान जिल्ला सदस्य हुन्

प्रकाशित मिती २०७५ चैत १४ गते

याे पनि,

(नेकपा)का जनप्रतिनिधिहरु भन्छन्– “कुपिण्डे तालको विकास गरौँ”

सल्यानमा (नेकपा)का जनप्रतिनिधिहरुले भेला गरेर यसरी गरे आफ्नै पार्टीको कडा आलोचना ?

प्रकाशित मिति : २०७५ चैत्र १४ गते बिहिवार