• २०७७ फाल्गुन १८ गते मङ्गलवार
  • Preeti To Unicode

दोस्रोपटक पनि चुनाव लडेर सभापति बन्छु : शेरबहादुर देउवा


चैत २०, दाङ ।

नेपाली कांग्रेसका सभापति शेरबहादुर देउवाले आफू फेरि पनि चुनाव लडेर पार्टीको सभापति बन्ने बताएका छन् ।

नेपाली कांग्रेस दाङ क्षेत्र नम्बर १ ले लमहीमा आयोजना गरेको क्षेत्रीय सभालाई सम्बोधन गर्दै सभापति देउवाले पार्टीको विधान अनुसार लडेर नेतृत्वमा आउनसक्ने स्पष्ट व्यवस्था भएको हुँदा आफू पुनः चुनाव लडेर सभापति बन्ने आशय बक्त गरेका हुन् ।

उनले भने- “कांग्रेस सबैको पार्टी हो । महिला, थारु, मधेसी, दलितलाई आरक्षणको व्यवस्था छ । चुनावको नाममा तलैबाटै जरा उखेल्न खोज्नु असहिष्णुता हो ।” सभापति देउवाले सरकारले जनताको भावना समेट्न नसकेको भन्दो आलोचना गरे ।

उनले भने- “ओली सरकार बनेको एक वर्ष भन्दा बढि भयो । तर, जनताको काम एउटा पनि गर्न सकेन । सबै गलत काम गरिरहेको छ ।” बुधबार नै सभापति देउवाले लमहीमा निर्माण हुन लागेको विपी स्मृति भवनको शिलान्यास गरेका थिए ।

प्रकाशित मिति : २०७५ चैत्र २० गते बुधवार