• २०७८ असोज ११ गते सोमवार
  • Preeti To Unicode

पूर्वमन्त्री बस्नेतको स्रोत नखुलेको ६१ करोड सहकारीमा


साउन ३, काठमाडौँ । राजधानीको महाबौद्धस्थित प्रणामी बचत तथा ऋण सहकारी संस्थामा स्रोत नखुलेको रकम भेटिएको छ । सहकारीमा कांग्रेस नेता मोहनबहादुर बस्नेतको ६१ करोड रुपैयाँ स्रोत नखुलेको सम्पत्ति भेटिएको हो ।

आजको अन्नपूर्ण पोस्ट् दैनिकमा तुलसी श्रेष्ठले समाचार लेखेका छन्, सम्पत्ति शुद्धीकरण अनुसन्धान विभागले पूर्वसञ्चारमन्त्रीसमेत रहेका बस्नेतले प्रणामी सहकारीमा राखेको उक्त रकमको अध्ययन सुरु गरेको छ । विभागले सो रकम झिक्न नमिल्ने बनाएको छ ।

बस्नेतले कर छलीको रकम सहकारीमा जम्मा गरेको विभागको आशंका छ । बस्नेतले सहकारीमा गैरकानुनी रुपमा आर्जन गरेको सम्पत्ति राखेको भन्दै विभागले बयानका लागि उनलाई बोलाउने तयारी गरेको छ ।

प्रकाशित मिति : २०७६ साउन ३ गते शुक्रवार