• २०७८ भाद्र ३१ गते बिहिवार
  • Preeti To Unicode

आज दिउँसोको पहिरोमा पुरिएका १३ जनाको शव निकालीयो, ५ जना अझै वेपत्ता


साउन १२, काठमाडौं । म्यानमारमा आज (आइतबार) आएको भयानक पहिरोमा परी कम्तीमा १३ जनाको मृत्यु भएको छ । देशको उत्तरी क्षेत्रमा पर्ने काचिन राज्यको हपाकान्तमा पहिरो गएको स्थानीय अधिकारीहरुले जानकारी दिएका छन् ।

मृत्यु भएकाहरु स्थानीय एक कारखानाका कर्मचारी र सुरक्षाकर्मीहरु रहेका छन् । स्थानीय समय अनुसार दिउँसो २ बजे पहिरो गएको थियो ।   उद्धारकर्ताहरुले १३ जनाको शव भेटिएको र अरु पाँच जना अझै हराइरहेको विभागीय कर्मचारीहरुले बताएका छन् ।

घटनास्थलबाट दुई जना सुरक्षाकर्मीलाई उद्धार गरेर उपचारका लागि अस्पताल भर्ना गरिएको उनीहरुको भनाई छ । खोजी तथा उद्धार कार्य जारी रहेको जनाइएको छ ।

एजेन्सी

प्रकाशित मिति : २०७६ साउन १२ गते आइतवार