• २०७९ मङ्सिर १८ गते आइतवार
  • Preeti To Unicode

रामचन्द्र पौडेलले ‘प्रचण्डजी अब नबौलाउनुहोस्’ भनेपछि…


साउन २५, काठमाडौं । शुक्रबार दिउँसो २ बजे प्रज्ञा प्रतिष्ठानको एक हलमा नेपाली राजनीति र साहित्यका धुरन्धर व्यक्तित्व उपस्थिति भए । कार्यक्रम थियो नेपाल कम्युनिस्ट पार्टीका नेता तथा राष्ट्रियसभा सदस्य दिनानाथ शर्माद्वारा लिखित निबन्धसंग्रह ‘झरीको सौन्दर्य’को लोकार्पण । साथमा शमी साहित्य मासिक पत्रिकाको विमोचन पनि थियो । ‘झरीको सौन्दर्य’ शर्माको ७ औँ कृति हो ।

अनि मञ्चको अग्रपंक्तिमा नेकपाका अध्यक्ष पुष्पकमल दाहाल ‘प्रचण्ड’, वरिष्ठ नेता माधवकुमार नेपाल, काँग्रेसका वरिष्ठ नेता राचन्द्र पौडेल र शताब्दी पुरुष सत्यमोहन जोशीलगायतका व्यक्तित्व आसीन भए । कार्यक्रममा केहिव्यक्तीहरु बोलिसकेपछि पालो आयो काँग्रेस नेता रामचन्द्र पौडेलको ।

उनिभन्दा अगाडी बोलेका वक्ताले भनेझै उनले पनि साहित्यकार अर्धपागल हुने बताए । उनले प्रचण्ड पनि अर्धपाग भएरै क्रान्ति गरेको बताए । पौडेलले भने,  ‘साहित्यकार अर्धपागल हुन्छन् भनिन्छ, प्रचण्डजी पनि क्रान्ति गरेर आउनुभयो। उहाँ पनि अर्धपागल भएरै त क्रान्ति गर्नु भएको होला नि।’

उनले भने, ‘काँग्रेसले हिजोका कुरा र नेकपाले भोलीको कुरा गर्छ, साहित्यले आजको कुरा गर्छ । त्यसैले पनि साहित्यको विकास आवश्यक छ ।’ उनले अब प्रचण्डलाई बौलाउन नहुने तर्क गरे । पौडेलले भने, ‘प्रचण्ड पहिले नै बौलाइसके । प्रचण्डले कति बौलाउने, उहाँ बौलाउँदा यत्रो भइसक्यो । अब बौलाउने बेला होइन ।’

पौडेलको यही भनाइप्रति टिप्पणी गर्दै प्रचण्डले उनको नाम नलिई आफू अर्धपागल भएर विद्रोहमा लागेको स्वीकार गरेका हुन्।

यो पनि पढ्नुहोस्ः म अर्धपागल भएर नै जनयुद्ध गरेको हुँ तर कसैको हत्या गरेको छैन : प्रचण्ड

प्रकाशित मिति : २०७६ साउन २५ गते शनिवार