• २०७९ मङ्सिर १८ गते आइतवार
  • Preeti To Unicode

नेपाली जनप्रगतिशील मोर्चा कतारको सातौँ अधिवेशन सम्पन्न


भाद्र ९, काठमाडौं । नेपाली जनप्रगतिशील मोर्चा कतारको ऐतिहासिक सातौँ अधिवेशन २३ अगस्ट २०१९ मा सम्पन्न भएको छ । अधिवेशनले एक सदस्य पछि थप्ने गरी २७ सदस्यीय कार्य समिति चयन गरेको छ ।
मोर्चाले उपलब्ध गराएको जानकारी अनुसार अध्यक्षमा जय किशोर पोद्दार, दुई उपाध्यक्षमा साजन गुरुङ र जमुना श्रेष्ठ, महासचिवमा राजेन्द्र लिम्बू, दुई सचिवमा नरेश विश्वकर्मा र सचिव गोमा मगर तथा कोषाध्यक्षमा रवीन पुन निर्वाचित भएका छन् ।

त्यसैगरी सदस्यहरुमा पूर्णबहादुर विश्वकर्मा, मनमोहन सिंह, भूपेन्द्र घर्तीमगर, दीपक केसी, विवश लिम्बू, अमृत ओली, ज्ञानेन्द्रराज भारती, खेम थापा, कमल पुन, मनोज शाह, लोकेन्द्र सुनार, सुबन्ता पौडेल, जसबहादुर बोगटी, मानबहादुर थापा, दिनेश शर्मा, तुलबहादुर विश्वकर्मा, देवबहादुर बिष्ट, विवश लिङ्गदम र भक्तबहादुर घर्ती छानिएका छन् । वैकल्पिक केन्द्रीय सदस्यहरूमा कृष्ण लिम्बू, गीता ठकुरी, सुवास गिरी, विष्णु चापागाईं र भेषबहादुर सुनार चयन भएका छन् ।

सल्लाहकार समितिमा संयोजक रमेश गिरी र सदस्यहरुमा श्रीकृष्ण भट्टराई र रेशम पौडेल रहेको मोर्चाले जनाएको छ ।

नेपाली जनप्रगतिशील मोर्चा कतारको नवनिर्वाचित कार्य समितिले विश्वका सम्पूर्ण मोर्चाहरूसँग हातेमालो गर्दै देशको प्रगतिकालागि अगाडि बढ्न तयार रहेको प्रतिबद्धता व्यक्त गरेको छ । खाडीको चर्को गर्मीको परबाह नगरी हलमा भएको खचाखच युवा उपस्थितिले युवाहरूकै कारण देशभित्र केही परिवर्तन ल्याउन सकिने स्पष्ट देखिएको मोर्चाले जनाएको छ ।

युवाले नै जनसङ्ख्या वृद्धिको अनुपातमा व्यवस्थापन गर्न सक्ने, देश अब योजना विहीन पुराना नेताहरूबाट चल्न नसक्ने, बरु गम्भीर गरेर देश नै डुबाइदिने हुन् कि भन्ने चिन्ता बढेको र परिवर्तनको वाहक नेकपामाथिको प्रतिबन्ध जनतालाई अस्वीकार्य रहेको अधिवेशनमा उपस्थित मोर्चाका प्रतिनिधिहरुले बताएका थिए ।

अधिवेशनले परिवर्तनसहित अब देश हाँक्ने विप्लव नेतृत्वको नेकपा नै रहेको र एकीकृत जनक्रान्ति सम्पन्न गर्न सबै युवा तयार रहन आग्रह गरेको छ । कतारमा च्याउ उम्रेसरह उम्रेका संस्थाहरू मध्ये ५५ वटा संस्थालाई अधिवेशनमा निमन्त्रणा पठाइएको तर १० वटा संस्थाहरूको मात्र उपस्थिति रहेकाले अन्य संस्थाहरु वैचारिक लडाइँबाट पराजित भएको मोर्चाको निष्कर्ष छ ।

मोर्चाले हरेक परिवर्तनको सवालमा देशलाई अगाडि बढाउने र विश्वको नमुना देश बनाउन सम्झौता नगरी हरेक संस्थासँग हातेमालो गर्दै अगाडि बढ्ने प्रतिबद्धता व्यक्त गरेको छ । बेइमानी गर्ने मेनपावरमाथि निर्मम बन्नुको विकल्प नरहेको मोर्चाले जनाएको छ ।

प्रकाशित मिति : २०७६ भाद्र ९ गते सोमवार