• २०७८ बैशाख ७ गते मङ्गलवार
  • Preeti To Unicode

उपनिर्वाचनलाई लक्षितगरि प्रेस युनियन दाङले सञ्चार समन्वय समिति गठन गर्‍यो


पूर्ण के.सी. कार्तिक २३, दाङ । नेपाल प्रेस युनियन दाङको भेला आज तुलसीपुरमा सम्पन्न भएको छ । युनियनको भेलाले दाङ निर्वाचन क्षेत्र नम्वर ३ (ख) प्रदेश सभा सदस्य र घोराही उपमहानगरपालिका वडा नम्वर १६ मा हुन लागेको निर्वाचनमा युनियनको शुभेच्छुक पार्टी नेपाली काँग्रेसका उम्मेदवार निकट रहि निर्वाचनमा परिचालन हुने निर्णय गरेको सचिव आरके सीतलले जानकारी दिएका छन ।

नेपाली काँग्रेसले उपनिर्वाचनामा गठन गरेको प्रचार प्रसार समितिसँग समन्वय गरी सञ्चारको क्षेत्रबाट प्रभावकारी भूमिका निर्वाह गर्न युनियनका जिल्ला अध्यक्ष सन्तोष सुवेदीको संयोजकत्वमा सञ्चार समन्वय समिति पनि गठन गरिएको छ ।

जसमा युनियनका पूर्व अध्यक्ष, सल्लाहकार, पार्षद्, जिल्ला कमिटीका सदस्य, साधारण सदस्य, सञ्चार संस्थाका प्रमुख र सम्पादक वा संस्थाले तोकेको फोकल पर्सन सदस्य रहेका छ्न ।

उपनिर्वाचनमा प्रदेश नम्वर ३ (ख) मा सञ्चार समन्वयका लागि युनियन दाङका उपाध्यक्ष नारायण खड्कको संयोजकत्वमा उपसमिति गठन गरिएको छ ।

जसमा सुवास डिसी, शर्मिला डिसी, यमकला भुसाल, देवीराम कुसारी, विमल गौतम, चेतन रेग्मी, बालाराम खड्का, लक्ष्मण बस्नेत, खेमराज रिजाल, शिवराज बस्नेत, प्रेम पुन, धुब्रराज न्यौपाने, सन्तोष केसी, पूर्ण के.सी. (मुस्कान ) प्रकाश डाँगी, उमा भण्डारी, जीतसागर जिएम, रेखा शर्मा, देवा भण्डारी, सञ्चिता देवकोटा, सुशीला घर्ती, अञ्जना चौधरी, निता चौधरी, सरीता चौधरी, शरद शर्मा मजगैयाँ, राजेश खत्री, सनोद थापा, शरद रेग्मी, सन्तोष शर्मा, अनिता पुन, श्रीराम चौधरी, नवराज घिमिरे, निराश पाण्डे, जयन्ती चौधरी रहेका छन् ।

त्यस्तै घोराही उपमहानगरपालिका वडा नम्वर १६ मा हुन लागेको उपनिर्वाचनका लागि युनियनका सचिव आरके सितलको संयोजकत्वमा सञ्चार समन्वय उपसमिति गठन गरिएको छ ।

जसमा देव यादव, सपना बोहरा, अमर क्षितिज भण्डारी, देवेन्द्र बस्नेत, रोशनमान श्रेष्ठ, हेमराज शर्मा, लिलाधर वली, अमरराज आचार्य, सुशीला वली, छवी पुरी, पिताम्वर रिजाल, खड्ग शर्मा, अमिता चौधरी, लक्ष्मीमान चौधरी, बसुन्धरा गौतम, किरणविक्रम शाह, पार्वती बस्नेत, सविता चौधरी, जनक ओली, विष्णुकुमार देवकोटा, शिवराज खनाल, टेकबहादुर पुन, प्रियास्मृति गजमेर, दुखहरण यादव सदस्य रहेका छन् ।

युनियनका अध्यक्ष सन्तोष सुवेदीको अध्यक्षता तथा सामुदायिक रेडियो प्रसारक संघका बरिष्ठ उपाध्यक्ष अर्जुन गिरी, युनियनका केन्द्रीय सदस्य सुरेश श्रेष्ठ र युनियनका सल्लाहकार सुशील बस्नेतको विशेष उपस्थितिमा सम्पन्न भेलाको सहजीकरण युनियनका सचिव आरके सितलले गरेका थिए ।

प्रकाशित मिति : २०७६ कार्तिक २३ गते शनिवार