• २०७८ कार्तिक ७ गते आइतवार
  • Preeti To Unicode

थबाङमा १२ सय ७४ मतदाता मध्ये २ सय ५ जनाले मात्रै मतदान गरे


मंसिर १४, राेल्पा । रोल्पाको थवाङ गाउँपालिका वडा नम्बर १ मा १६.०९ प्रतिशत मत खसेकाे छ । रिक्त रहेकाे वडा अध्यक्ष पदकाे लागि भएको उपनिर्वाचनमा २ सय ५ जनाले मतदान गरेका छन् । जसमा कुल १ हजार २ सय ७४ मतदाता रहेका थिए ।

बिहान ७ बजेबाट सुरु भएको मतदानमा सुरुको अबधिमा सुनसान भएपनि दिउँसो केही मतदाताले मत हालेका थिए । मतदान गर्नेहरूमा पुरुष १ सय १० जना र महिला ९५ जना रहेका छन् ।

सरकारद्वारा प्रतिबन्धीत नेत्र बिक्रम चन्द विप्लव नेतृत्वकाे नेकपाको प्रभाव रहेको याे थबाङमा यसअघि पनि थाेरै मात्रमा मत खसेकाे थियाे । स्वतन्त्र उम्मेद्वार दिएर जितेका फर्क बहादुर रोकाकाे निधन भएपछि यहाँ उपनिर्वाचन भएकाे हाे ।

उपनिर्वाचनको लागि नेपाली कंग्रेसबाट कलम बहादुर रोका मगर तथा नेपाल कम्युनिष्ठ पार्टी नेकपाबाट जनक बहादुर बुढामगर उम्मेद्वार रहेका छन । मत कम मात्र खसेकाले आज राती नै मत परिणाम आउने बताइएको छ । अहिले केहीबेरमा सर्बदलीय बैठक बसेर साझ ६ः३० बाट मतगणना हुने मतदान अधिकृत सुवेदीले जानकारी दिए ।

प्रकाशित मिति : २०७६ मङ्सिर १४ गते शनिवार