• २०७७ असार २३ गते मङ्गलवार
  • Preeti To Unicode

सर्लाहीमा गोली चल्याे, १२ जना घाइते


असार १५, सर्लाही। सर्लाहीमा गाेली चल्दा १२ जना घाइते भएका छन् । गएराती धनकौल गाउँपालिकामा स्थानीय नेकपा र कांग्रेस कार्यकर्ताबीच भएकाे झडपमा १२ जना घाइते भएको प्रहरीले जनाएको छ । बाह्र बोरको बन्दुकको छर्रा लागेर उनीहरु घाइते भएका हुन् ।

नेकपा कार्यकर्ताको ट्याक्टरले कांग्रेस कार्यकर्ताको मोटरसाइकललाई बाटो नछाडेर निहुँमा झडप भएको हो । प्रदेश नं २ का प्रहरी प्रमुख डीआईजी धिरजप्रताप सिंहले भने, ‘सामान्य विषयबाट सुरु भएको विवाद बढ्दै जाँदा दुवैतर्फ एक/एक सय मानिस भेला भएका थिए । त्यसक्रममा तीन राउण्ड गोली चलेको सुनिएको छ ।’

गोली चलेको बन्दुक कसको हो भन्ने खुलिसकेको छैन । यद्यपि, प्रहरीले स्थानीय मुकेश शाहलाई गोली चलाएको आशंकामा पक्राउ गरेको छ । घाइतेको जिल्लास्थित सरकारी अस्पतालमा उपचार भइरहेको छ । घाइते सबैकाे अवस्था सामान्य छ ।

राति साढे ८ बजे भएको घटनाले उग्र रुप लिएपछि स्थितिलाई नियन्त्रणमा लिन नेपाल प्रहरी र सशस्त्र प्रहरीको टोली गाउँपालिकामा पुगेको थियो भने केही राउण्ड टियर ग्यास हानिएको थियो ।

प्रकाशित मिति : २०७७ असार १५ गते सोमवार