• २०७८ असोज ७ गते बिहिवार
  • Preeti To Unicode

छुवाछुतकाे क्रूरता : पानी लिन घरभित्र पसेको भन्दै दलित बालिकालाई निर्घात कु’टपिट


भाद्र २४, मोरङ । पानी लिन घरभित्र पसेको भन्दै मोरङको उर्लाबारी–४ थापाडाँगीकी दलित १२ वर्षीया बालिका फुलसरी मंग्रान्ती (सार्की)लाई निर्घात कु’टपिट गरिएको छ । कु’टपिटबाट बालिका घाइते भएकी छिन् ।

फुलसरीलाई छिमेकी नन्दलाल श्रेष्ठ, उनकी पत्नी निर्मला र छोरा अम्बिरले कु’टपिट गरेको उनका आफन्त दुर्गाकुमारी रोकाले बताइन् । आमाबुबा बेपत्ता भएकी फुलसरीलाई दुर्गाले नै आश्रय दिइरहेकी छिन् ।

आजकाे नयाँ पत्रिका दैनिकमा समाचार छ, श्रेष्ठले दलित बालिका घरभित्र पसेको भन्दै सोमबार नि’र्घात कु’टपिट गरेका हुन् । कु’टपिटबाट बालिकाको शरीरभरि नीलडाम छ ।

सोमबार उनी चिसो पानी लिन छिमेकी तुलसा खतिवडा श्रेष्ठको घरमा गएकी थिइन् । तुलसा नन्दलालकी बुहारी हुन् । उनीहरू अलग–अलग घरमा बस्छन् । ‘नानी (फुलसरी) सधैँ त्यो घरमा जाने र पस्ने गरेकी थिई ।

सोमबार फ्रिजमा राखेको पानी लिन पठाएँ । घरमा सानो नानी मात्र रहेछ । ऊसँगै फुलसरी पनि भित्र गइछ,’ दुर्गाले भनिन्, ‘श्राद्ध छ, हामीले खाना चढाएको छैन भन्दै नीलडाम हुनेगरि कुटपिट गरे । त्यो घरमा त श्राद्ध पनि थिएन, नन्दलालको घरमा पो श्राद्ध थियो ।’ फुलसरीलाई छुटाएर ल्याउँदा आफूमाथि पनि कु’टपिट गरेको उनले बताइन् ।

जातीय विभेद गरेर कु’टपिट गरेको भन्दै दुर्गाले इलाका प्रहरी कार्यालय उर्लाबारीमा किटानी जाहेरी दिएकी छिन् । तर, प्रहरीले उजुरी दर्ता गरेको छैन । इलाका प्रहरी कार्यालयका इन्चार्ज इन्स्पेक्टर सुभाष राईले अर्को पक्षलाई पनि बुझेर दर्ता गरिने बताए ।

‘मैले एसपीसाबलाई रिपोर्टिङ गरेँ । माथिबाटै घटनास्थलमा गएर बुझेर मात्र जाहेरी दर्ता गर्न निर्देशन छ,’ इन्स्पेक्टर राईले भने, ‘मैले जाहेरी लिएको छु । दर्ता भएजस्तै मान्नुस् ।’

प्रकाशित मिति : २०७७ भाद्र २४ गते बुधवार