वास्तविक श्रमिकको आवाज बोल्ने सर्ट फिल्म ‘मे वान’ सार्वजनिक

वैशाख-२०- काठमाडौ । वास्तविक श्रमिकको अवस्था लाई समेटिएको सर्ट फिल्म ‘मे वान’ मे दिवसका अवसर पारेर शुक्रबार सार्वजनिक भएको छ ।

श्रमिकहरुको हक अधिकार सुनिश्चित होस् अनि श्रमको कदर होस् भन्ने सन्देश दिइएको सर्ट फिल्ममा कोरोना भाइरसको संक्रमणबाट जोगिनका लागि सरकारले लागू गरेको लकडाउनका समयमा सबैभन्दा बढी मारमा परेका श्रमिकहरुको कथा समावेश छ । साथै मजदुरको पीडा उठाउने सञ्चारकर्मी नै पीडामा रहेको फिल्मले देखाउँछ ।

सञ्चारकर्मी दीपज्योति थापा, अनित जंग पाण्डे, बिराज दुलाल र भोला सुवेदीको अभिनय रहेको सर्ट फिल्मलाई पुरुषोत्तम बस्नेतले निर्देशन गरेका छन्। फिल्मको कास्टिङ डाइरेक्टर बसन्त अधिकारी हुन् । कपिल खड्का र भोला सुवेदीको छायांकन रहेको ‘मे वान’ मा अनिल कुमार महर्जनको सम्पादन रहेको छ । नेसन मिडिया ग्रुप प्रालिको निर्माण रहेको यो सर्ट फिल्म नेसन टिभी नेपाल युट्युब च्यानलमा अपलोड गरिएको छ ।