काठमान्डौं, ४ असार । भारतको गुजरातमा भारी वर्षाका कारण कम्तीमा १८ जनाको ज्यान गएको छ । विपद् व्यवस्थापन टोलीले दर्जनौं मानिसको उद्धार गरेको छ।  भारी वर्षाका कारण आँधी, चट्याङ र संरचना भत्किँदा मानवीय क्षति भएको हो ।

भारतको पश्चिमी गुजरातका केही भागमा भारी वर्षाका कारण सोमबारदेखि आज सम्म कम्तीमा १८ जनाको मृत्यु भएको अधिकारीहरूले बताएका छन् । अधिक भारी मनसुनी वर्षाका लागि तयारी गरिरहेका राज्यका दक्षिणका बासिन्दाहरूलाई सहयोग गर्न विपद् प्रतिक्रिया टोलीहरू तैनाथ गरिएको छ । त्यहाँ पछिल्लो २४ घण्टामा आठ सय ६७ मिलिमिटर ३४ इन्च वर्षा भएको थियो ।

राज्य राहत आयुक्त आलोक कुमार पाण्डेले खराब मौसमका कारण आँधी, चट्याङ र संरचनात्मक पतनका कारण १८ जनाको मृत्यु भएको बताउनु भयो ।